- Կատարակտի ախտորոշում և անվճար վիրահատություններ հատուկ խմբերի համար | Medline.am
Ընդունարան 060 66 03 03 ԴԻՄԵԼ ՏՆՕՐԵՆԻՆ
Հայերեն

Կատարակտի ախտորոշում և անվճար վիրահատություններ հատուկ խմբերի համար

Հարգելի՛ հայրենակիցներ,

ուրախ ենք տեղեկացնել, որ Մեդլայն Կլինիկ բժշկական կենտրոնը միանում է կուրությունը կանխարգելելու նպատակով իրականացվող պետական ծրագրին։

2017 թվականին կյանքի կոչված ծրագիրը ներառում է առանձին խմբերում 60 տարեկան և ավելի բարձր տարիքի անձանց հետևյալ խորացված ակնաբուժական հետազոտությունների լիովին անվճար տրամադրումը։

1. Օֆտալմոսկոպիա և ճեղքային լամպով հետազոտում,

2. Տոնոմետրիա

3. Ռեֆրակտոմետրիա

4. Ուլտրաձայնային հետազոտություն

Հետազոտության արդյունքում, բժշկական ցուցումների առկայության դեպքում, ծրագրի շրջանակում կիրականացվեն կատարակտի վիրահատություններ` բարձրորակ ներակնային ոսպնյակի իմպլանտացիայով։

Ո՞ր խմբի անձինք են հանդիսանում ծրագրի շահառուներ

Ծրագրի շրջանակում կարող են անվճար հետազոտության դիմել 60 տարեկան և ավելի բարձր տարիքի, տվյալ ոլորտներում առնվազն 2 տարի մասնագիտական գործունեության ստաժ ունեցող, սոցփաթեթի շահառու չհանդիսացող անձինք։

1. Ավագ, միջին և կրտսեր բուժաշխատող հանդիսացող կամ նախկինում աշխատած անձինք

2. Հանրակրթության բնագավառում և բարձրագույն ուսումնական հաստատություններում գործունեություն ծավալած անձինք,

3. Մշակույթի ոլորտում ներկայում աշխատող կամ աշխատած, ինչպես նաև մշակութային միություններում (գրողների, նկարիչների, կոմպոզիտորների...) անդամագրված անձինք։

4.ՙՙ0՚՚ միավորից բարձր՝ մինչև 30.00-ը ներառյալ անապահովության միավոր ունեցող ընտանիքների անդամներ:

 

Հերթագրման կարգին, անհրաժեշտ փաստաթղթերի ցանկին և ծրագրի այլ մանրամասներին ծանոթանալու համար կարող եք զանգահարել 060 66 03 03:

Ծանոթացե՛ք Մեդլայն Կլինիկ-ի  Ակնաբուժական ծառայությանը:

Ամբուլատոր ծառայություններ
Լաբորատոր հետազոտություններ Իմանալ ավելին՝
Հիվանդանոցային սպասարկում
Պետպատվեր